Verslað fyrir vestan

Búnaðarþingi til heiðurs ætla ég að setja inn lýsingar og verð á vörum sem ég kaupi og sem mér standa til boða.

 

165 kr. fyrir 225gr af Philadelphia rjómaosti. Mikið bragðbetri en sá íslenski.

925 kr fyrir kíló af Svínalund sem er "náttúrleg" það er án rotvarnaefna, hormóna osfrv. ekki með lífræna vottun en betra en "venjulega" kjötið. "Ónáttúrleg" svínalund er 780kr. kílóið.

Þá spyr maður hvernær munu íslensk stjórnvöld færa Íslendingum raunverulega kjarabót sem felst í frjálsum innflutningi á matvöru?

Athugasemdir

[Kári Harðarson, 5.3.2008 kl. 10:36]

Gerðu mér greiða og segðu okkur hvað kostar að láta skoða bílinn.  Ég lét skoða í gær hjá einkareknu einokunarfyrirtæki í Reykjavík sem tók 6.900 krónur fyrir kortérs vinnu.

[Sigurður Hreiðar, 5.3.2008 kl. 11:03]

Namm namm -- og allt er þetta náttúrlega óniðurgreitt.

Var á Kanarí á dögunum. Þar kostar mjólkurlítrinn 125 kr., miðað við að evran sé hundrað kall. 600 gr. af venjulegu heilhveitibrauði 199 kr. Rauð epli 197 kr kg. -- Það er sem sé ekki allt dýrast á Íslandi.

Góð kveðja

[Bjarni Kjartansson, 5.3.2008 kl. 11:35]

Sigurður minn.

ÞEtta höfðu Spánverjarnir út úr því, að ganga inn í Evrópusambandið.

Öll matvara og að ekki sé nú talað um bjórinn, snarhækkaði og laun, sem áður dugðu vel fyrir uppihaldi, duga nú vart út eina viku hjá innfæddum.

Sér er nú hver hamingjan með EB

Dullur

vill þó verja innlenda framleiðslu með smitgát og svoleiðis.

[Guðjón H Finnbogason, 5.3.2008 kl. 14:09]

Ég var á Spáni í síðasta mánuði og skoðaði kjöt,fisk og ostaborð í verslunum og mer fannst verð á nautakjöti ekki sérstaklega lágt,en margt sem er ódýrt en það er ekki alverst á Íslandi.

[Friðjón R. Friðjónsson, 6.3.2008 kl. 02:22]

Mig minnir að það kosti um 30$ eða um 2000 kr að láta skoða bílinn. Það eru ca 10 mán. síðan þannig að ég man það ekki nógu vel.

Það er magnað að sjá tilboð á svínalund 2900 kr. í íslenskum blöðum og borga 1/3 hér. 

[Bjössi. (IP-tala skráð) 6.3.2008 kl. 15:13]

Hef búið í Bandaríkjunum í nokkur ár og maður verður alltaf fyrir vægu áfalli að koma heim, verðlagið.... Mér er efst í huga er ég fór inn í eina sjoppuna er ég var að keyra fyrir austan fjall. Ekki man ég nákvæmlega hver reikningurinn var en líklega í kringum 5000-6000kr (75-90$) fyrir tvo fullorðna og tvö börn. Ef ég tek fjölskylduna á Burger King þá er það kanski 20-25 dollara.

Kanski segja menn að ekki sé hægt að bera saman ''hágæða'' íslenska beljuborgarann við Burger King ruslfæðiskeðjuna þá vil ég nú meina annað. Þetta var hamborgarabrauð með áleggi, svo þunnur var borgarinn og gæðin eftir því.