Padda dagsins og getraun

Praying Mantis heitir þessi nágranni minn á engilsaxnesku, mér er lífsómögulegt að muna íslenska nafnið. Smellið á myndina og haldiðáfram að smella þar til full stærð næst þá verður hún flott.

Anyone, Anyone? 

 

 

Getraun:

Ég var að skipta um hausmynd, hvaðan er hún og hvað ræður fjölda stjarna?  

Vefleg verðlaun í boði.

Athugasemdir

[Gunnar Örn (IP-tala skráð) 13.9.2007 kl. 20:00]

Bænabeiður heita þessi kvikindi upp á íslensku.

Sendir veflegu verðlaunin bara til mín. 

[Lóa (IP-tala skráð) 14.9.2007 kl. 15:14]

hvernig er það, éta þær ekki hausin á maka sínum eftir að búið er að gamna sér???? þ.e.a.s. kellurnar, kallarnir eru víst eitthvað minni.

[Magnús Jónsson, 14.9.2007 kl. 20:23]

Hausmyndin er sennilega málverk af Bandaríska þjóðfánanum, stjörnurnar tákna fylkin sem standa að Bandaríkjum norður Ameríku, ef mynnið svíkur ekki eru stjörnurnar 52.

kveðja Magnús

[Friðjón R. Friðjónsson, 15.9.2007 kl. 03:38]

Loksins reynir einhver við getraunina.

Rétt er að fáninn er sá bandaríski, en ég var að spyrja um málverkið sem þetta myndbrot er af.  Og svo af hverju sjáanlegar stjörnur eru þetta margar.

[Andrés Magnússon, 15.9.2007 kl. 14:16]

Þetta er brot af frægasta verki popplistamannsins Jaspers Johns. Þó ensku nýlendurnar 13 hafi lýst yfir sjálfstæði sínu árið 1776 og haft sigur í sjálfstæðisstríðinu, sem sigldi í kjölfarið, var ný stjórnarskrá ekki samþykkt fyrr en 1787 og þá má segja að Bandaríkin hafi orðið til. Nýlendurnar samþykktu svo ein af annarri að ganga í hin nýju Bandaríki Ameríku. Virginía, þar sem Friðjón, Liz og stelpurnar eiga nú heima, varð tíunda ríkið til þess. Þess vegna sýnir hann tíu stjörnur.

Hins vegar má benda á að í verki Johns eru stjörnurnar 48 talsins, því það var málað áður en Alaska og Hawaii urðu ríki árið 1959. Nú eru stjörnurnar því 50. Hins vegar eru rendurnar í fánanum 13 eins og upphaflegu nýlendurnar.

En þá er það framhaldsgetraunin: Af hverju heitir Virginía svo? 

[Friðjón R. Friðjónsson, 16.9.2007 kl. 03:47]

Jamm, Andrés.

Mjög gott.

Virgínía er nefnd eftir nöfnu konu minnar.

.