Rúv á hliðina - Stöð 2 stendur sig

Ég hef ekki náð að sjá eina beina útsendingu af blaðamannafundum Geir og Björgvins Gé á Rúv.is.

Vefur Ríkisútvarpssins hefur aldrei þolað álagið

Stöð tvö hefur hinsvegar staðið sig með sóma og komið fundunum til skila til okkar útlaganna.

Er þetta munurinn á ríkishlutafélagi og einkafyrirtæki?

Annað lofar, hitt gerir.

Forsetatilræðaspurning

Vegna frétta af fyrirhuguðu tilræði við Obama þá má spyrja einnar forsetatrivia spurningar.

Hve margir forsetar hafa verið myrtir, hverjir eru þeir og úr hvaða flokki?

B spurning. Hvor flokkurinn hefur mátt þola fleiri alvöru tilræði?
(vísb. Maður sem stendur fyrir utan girðingu og skýtur í átt að Hvíta húsinu er ekki alvöru tilræði)

 

ATH.
Þessi spurningar eru líklega ekki gúgel heldar.

 

Grunaðir um að hafa viljað myrða Obama

DC-Chicago-DC

Við renndum til Obamalands í síðustu viku, útlagafjölskyldan. Vegalengdin sem við keyrðum á 6 dögum samsvarar hringinn í kringum landið tvisvar sinnum og svo áfram frá Reykjavík til Stöðvarfjarðar norðurleiðina um Egilsstaði, 3416 km.

Mér væri slétt sama þótt ég þyrfti ekki að stíga upp í bíla í margar vikur.

Það eru 17 ár síðan ég síðast var í Chicago, borgin hefur tekið stakkaskiptum. Þar munar einna mest um Millennium Park   sem er gerður með nokkrum skemmtilegustu listaverkum sem ég hef séð.

hér er mynd sem ég smellti með símanum af Crown Fountain eftir Jaume Plensa. Þetta er helmingur verksins, hinn er eins og stendur gagnstætt. Á heitum sumardegi er verkið notað, svo um munar.

Garðurinn fór auðvitað lang, langt fram úr kostnaðaráætlunum. Það verður að segja þeim þó til hróss að borgin fékk mörg stórfyrirtæki og auðmenn til að fjármagna stóran hluta framkvæmdana.

Borgin hefur breytt ásýnd sinni og mun búa að því lengi. Gallinn er að borgarbúar munu líka vera lengi að borga fyrir herlegheitin.

Aðeins of seinir

Þessi snilldarhugmynd að allar hæðir byggingar geta haft þakglugga er líklega aðeins of sein á ferðinni. Það er ekki bara á Íslandi sem partýið er búið heldur um allan heim.

 Þeir hjá SkyFactory bjóða líka upp á Virtual Windows þannig að allir geti fengið vinnustöð með glugga. 

 

 

Digsby er málið

Það er alltaf gaman að rekast á hugbúnað sem einfaldar hlutina. Digsby er slíkur hugbúnaður. Það sem Digsby gerir er að sameina mismunandi spjallforrit í eitt og skannar pósthólf líka. Í gegnum mismunandi forrit og þjónustur var ég með MSN spjall, Google Talk, Facebook chat og Yahoo spjall. Að einhverju leyti eru þetta sömu vinirnir sem ég tengist en skörunin er langt í frá alger. 

Ofaná þetta allt er ég með amk tvö netföng sem ég fylgist með. Aðalnetfang og svo annað sem ég gef upp við skráningu í hinar og þessar þjónustur eða póstlista sem ég vil fylgjast með en vil ekki fá það allt í aðalpósthólfið mitt.

Þar kemur Digsby til sögunnar, Digsby er lítið forrit sem sameinar allar þjónusturnar í eina þannig að til hliðar á skjánum hjá mér er bara eitt forrit sem kemur í stað allra hinna og Digsby fylgist með pósthólfunum. Ljómandi.

Digsby er til fyrir Windows, Makka og Linux.

Einfaldara er alltaf betra...

 

Hlýnun jarðar

 Hlýnun jarðar sett í samhengi:

Rafrænt (ó)lýðræði

Fyrir nokkru var stefna ríkistjórnarinnar um upplýsingasamfélagið 2008-2012 kynnt. Þar í er margt áhugavert og jákvætt en eitt áhersluefni er þar, sem áhyggjur vekur. Ríkisstjórnin ætlar sér að gera tilraunir með lýðræði. Í tveimur sveitarfélögum verða hefðir og venjur í kosningum settar til hliðar og rafrænar kosningar haldnar. Morgunblaðið sá sérstaka ástæðu til að fagna þessum fyrirætlunum í ritstjórnargrein, en vonandi hafa þær áherslur breyst á síðustu dögum.

Það eru tvær leiðir til að halda rafrænar kosningar. Önnur með tölvum á kjörstað, hin yfir netið.

Það má spyrja hvað sé unnið með því að nota tölvur á kjörstað. Eina hagræðið við kosningarnar er að úrslit berast hraðar. Það er ekki ódýrara fyrirkomulag, nema einhverjum detti það í hug að tveir blýantar og ein pappírsörk séu dýrari en tölva. Það er ekki öruggara fyrirkomulag. Hver kannast ekki við hugbúnað sem gerir eitthvað sem hann á ekki að gera og eina ráð sérfræðinganna er að enduræsa forritið eða tölvuna. Vandinn er að við endurræsum ekki kosningar. Kjósandinn hefur enga tryggingu eða tilfinningu fyrir því að atkvæði hans sé talið. Það er horfið inn í forrit þar sem auðveldlega er hægt breyta niðurstöðum.

Í Bandaríkjunum er löng hefð fyrir því að nota tölvur og kosningavélar. Gríðarlegu fjármagni hefur verið varið í að þróa þessi kerfi. Þar er þróunin í hina áttina ef eitthvað er. Vegna spurninga um öryggi og áreiðanleika hafa fjölmörg ríki sett undanfarið verulegar skorður við notkun tölva við kosningar. Ohio ríki hætti fyrir stuttu allri notkun tölva á kjörstað og tók upp gamla lummulega kerfið að nota kjörseðil úr pappír.

Mörg dæmi hafa komið upp þar sem tölur úr kosningatölvum stemma einfaldlega ekki við fjölda kjósenda. Rafræna kosningu er ekki hægt að stemma af og endurtalning er líka tilgangslaus. Það er einungis ein tegund kosningatölva sem uppfylla kröfur um öryggi og áreiðanleika. Þær skila bréflegu afriti af atkvæðaseðlinum sem kjósandinn getur ekki breytt. Slíkar vélar eru mjög dýrar.

Hin leiðin til rafrænna kosninga er að kjósa yfir netið. Ef við horfum framhjá því að slíkt fyrirkomulag sviptir fólk réttinum til leynilegra kosninga, því það er engin leið til að tryggja að sá sem kýs sé sá sem hann segist vera eða hann sé einn í „kjörklefanum“. Þá hefur ekki verið þróað öruggt kerfi sem uppfyllir þær kröfur sem við gerum til kosninga. Fyrir nokkrum árum varði Bandaríkjaher einum og hálfum milljarði króna til að þróa öruggt kosningakerfið yfir netið fyrir hermenn sem eru staðsettir um alla veröld. Eftir að hafa eytt öllum þessum fjármunum var kerfinu hent. Það stóðst engar öryggiskröfur.

Það eru til lönd sem eru tilbúin til að gera minni kröfur til öryggis í kosningum, Eistar kjósa yfir netið en þeir hafa enga tryggingu fyrir því að kjósandi sé sá sem hann segist vera, né hafa kjósendur trausta vörn gegn kúgun og að verða þvingaðir til að kjósa gegn vilja sínum. Á Bretlandi hafa menn svo miklar áhyggjur af þverrandi kjörsókn í sveitastjórnar- og Evrópukosningum að þeir hafa leyft kosningar yfir net, með SMS, bréflega, með símavali og nánast hvaða leið sem mönnum gat dottið í hug. Eina leiðin sem jók þátttöku svo mælanlegt væri var gamaldags bréfleg kosning. Þar að auki er vandamál Breta ekki til á Íslandi.

Kosningaþátttaka á Íslandi er með því besta sem gerist, við erum með aðferð sem almenningur treystir og trúir að atkvæði hans sé talið. Það er engin ástæða til að skemma það traust.

Birt í prentmogganum 6.6.2008

Ber er hver að baki...

Er Kristinn Gíslason varformaður Starfsmannafélags OR, Kristinn Hilmar Gíslason bróðir Ingibjargar Sólrúnar Gísladóttur?

Ef svo er þá er framganga hans í fjölmiðlum í fyrradag... óheppileg.

 

Viðbót   ------------------

Kristinn Gíslason sendi mér eftirfarandi póst:

...í dag var mér sent blogg varðandi aðkomu mína að málefnum Guðmundar Þóroddssonar. Ég var kosin sem varaformaður starfsmannafélagsins á síðasta aðalfundi og kom fram sem slíkur.

Ég vil taka fram að þótt ég sé bróðir Ingibjargar Sólrúnar þá hef ég aldrei verið skráður í Samfylkinguna hef verið flokksbundinn í Sjálfstæðisflokkinn á áratugi og verið í fulltrúaráði þar.

Varðandi Guðmund Þóroddsson þá er það ekki sjálf brottvísun hans heldur var það gjörningur sem fyllti mælinn, hann er einn látinn axla ábyrgð í REI málinu.

Ég held að vandamálið liggi í pólitíkinni því frá síðustu kosningu er þetta þriðja stjórnin og fjórði formaðurinn sem sitja núna í stjórn Orkuveitunnar.

Kv
Kristinn Gíslason

 -------------------

Ég er Kristni ósammála að að Guðmundur hafi einn axlað ábyrgð. Guðmundur var einn þeirra sem stofnuðu til málsins en þar voru fleiri á ferð. Pólitískum ferli Vilhjálms er lokið, Björn Ingi er hættur í pólitík og niðurlægjandi staða Sjálfstæðisflokksins er þessi máli að þakka.

VÞV axlaði kannski ekki ábyrgð en hann og flokkurinn eru látnir sæta ábyrgð. Aðrir sem stofnðu til þessa óskapamáls munu líklega aldrei bíða hnekki af því.

Dýrt grill - okur eða hvað?

Það var sagt frá því í Fréttablaðinu í dag að dýrasta grill Íslands kosti 320 þúsund krónur.

Hér vestra fæst það frá 1500$ upp í 2000$. Semsagt dýrasta útgáfa af þessu grilli er meira en helmingi ódýrara í heimalandinu en á Íslandi.

Í fljótu bragði virðist þetta vera svívirðilegt okur, en ef við litum aðeins betur á málið þá er það ekki svona einfalt. 

Samkvæmt tollskrá ber grillið 7,5% almennan toll og 20% vörugjald svo bætist auðvitað  24,5% virðisauki ofan á allt saman.

Tek það fram að ég hef ekki staðið í innflutningi en dæmið virðist líta svona út fyrir mér:  

Innkaupsverð		100.000 kr.
Almennur tollur	7,50%	107.500 kr.
Vörugjald	20,00%	129.000 kr.
Flutningskostnaður	50.000 kr.	179.000 kr.
Álagning	43,5%	256.865 kr.
Virðisaukaskattur	24,50%	319.797 kr.
Framleiðandi		100.000 kr
Flutningur		50.000 kr
Ríkið tekur		91.932 kr.
Söluaðili		77.865 kr.

 Ef ég er að bulla leiðréttið mig endilega. En mér finnst hlutur ríkisins helst til drjúgur.

 

ATH. LEIÐRÉTT

Í fyrstu útgáfur vantaði flutningskostnað eins og bent var á í athugasemd. Þegar gert er ráð fyrir honum lækkar hlutfall ríkisins í  dæminu  en það er hluturinn er samt alltof drjúgur

 

ATH LEIRÐRÉTT Í ANNAÐ SINN

Eins og ég tók framhef ég ekki staðið í innflutningi og því gerði ég nokkur mistök. Ég hefði svo sem mátt vita að ríkið tekur í græðgi sinni tolla eftir flutningskostnað sem er ótrúlegt.

Ný tafla

 

Innkaupsverð		100.000 kr.
Flutningskostnaður	50.000 kr.	150.000 kr.
Almennur tollur	7,50%	161.250 kr.
Vörugjald	20,00%	193.500 kr.
Álagning	32,50%	256.388 kr.
Virðisaukaskattur	24,50%	319.202 kr.
Framleiðandi		100.000 kr.
Flutningur		50.000 kr.
Ríkið tekur		106.315 kr.
Söluaðili		62.888 kr.

Það er tvennt öruggt í lífinu segja þeir hér í USA, dauðinn og skattar. Íslenska ríkið ætlar sér duglegan skammt af því síðarnefnda.

 

Fánadagur

Það var fánadagur í gær. 

Kannski var það þess vegna sem yngri dóttir mín tók upp á því að grípa litla 17. júní fánann sinn og hlaupa um húsið.  Íslenskt blóð lætur ekki að sér hæða.

Svo lásum við um litlu rauðu hænuna og fjandvini hennar, lötu öndina, köttinn og svínið.

Forseti lýðveldisins fær hamingjuóskir allra þegna sinna á Vorstræti. 

------------------ 

í alls óskyldum fréttum þá barst mér þetta myndband fyrir stuttu.

Við styðjum hugmyndaríka bændur hér á  útlagabloginu.