Bloggfærslur mánaðarins, nóvember 2006

Fögnum skattalækkunum en...

Hvers vegna þarf blessað fjármálaráðuneytið alltaf að hegða sér eins og asnar þegar kemur að áfengismálum?

Ferðaþjónustan kvartar yfir háu verði á áfengi og þegar tækifæri er að leyfa því að lækka með þessum fyrirmyndar skattalækkunum þá þarf fjármálaráðuneytið endilega að hækka áfengisgjaldið á móti.

Það er allt gott við þessar lækkarnir en hvernsvegna þarf að varpa skugga á þær með þessum aðgerðum? Þetta minnir mig á eina aumustu stund Alþingis þegar frumvarp  um gjald af áfengi og tóbaki var lagt fram og tekið til 1. umræðu kl 18.08 vísað til nefndar kl. 18.53 tekið til 2. umræðu 20.58 og samþykkt sem breyting á lögum kl. 21.52. 

Flutningsmaður sagði í ræðu sinni

efni málsins er þannig að það þarf að hafa hraðar hendur við að afgreiða það í þingsölum eins og allir þingmenn þekkja.

Hækkunin nam 7% sem var um 100kr á flösku af sterku áfengi en ekki var hreyft við veikari drykkjum.  Þingheimur sem allur tók þátt í þessari dellu var sannfærður um að fólk myndi streyma í Ríkið og hamstra vodka vegna 100 kr. hækkunar!

Þetta var árið 2004 en ekki 1950, það eru svona vinnubrögð sem eru þingmönnum til minnkunar, ég trúi því að Ögmundur sé sannfærður um það þurfi að hafa vit fyrir almenningi með þessum hætti en þegar sjálftæðismenn standa að svona rugli þá örvæntir maður. Vinnubrögðin eru þinginu til minnkunar því ekkert tækifæri er gefið til eðlilegrar umræðu um málið.

 

Stjórnmál eru ekki flókin, ef þú segist ætla að lækka skatta og stattu þá við orð þín, lækkaðu skatta og feldu ekki einhverjar smá hækkanir inni í málunum til að varpa skugga á þau. Stjórnmál snúast að stærstum hluta til um það að standa við orð sín, stór og smá. 

 

Árni fær annars risastóran plús í kladdann að fyrir að lækka virðisaukaskatt af þjónustu veikingahúsa úr 24,5% í 7%. Ég trúi að þetta geti orðið til að verða mikil lyftistöng fyrir veitinga- og kaffíhús og ekki verður vanþörf á eftir aðför heibrigðismafíunnar að þeim.

 


mbl.is Frumvarp um lækkun virðisaukaskatts á matvörum lagt fram
Tilkynna um óviðeigandi tengingu við frétt

nýkratar, semíkommar, kommar

Mér hefur stundum verið legið á hálsi fyrir að einfalda hlutina og kalla vinstri menn það sem þeir eru, nemlig komma.

Þess vegna er alltaf gaman að því þegar menn gangast við eðli sínu, þótt óafvitandi sé.

Nýlega var stofnað blog "nýkrata" hér á blog.is, þau sem þar skrifa eiga það til að hafa rétt fyrir sér, eins og nýleg færsla ber með sér. Sannleikurinn er auðvitað, að þau eru alþjóðasinnaðir kommúnistar og sem slíkir eiga þau það til að hitta á mál sem eru neytendavæn.

Þegar maður skoðar síðuna þá er áberandi heljarinnar tenglalisti yfir bræðrafélög semíkomma um heim allann. Þegar vinir "nýkratana" eru skoðaðir hittir maður fyrir, semíkomma frá Rúmeníu, flokk Ion Iliescu. Iliescu sætir nú ákærðu fyrir glæpi gegn mannkyni og er af mjög mörgum talinn bara gamaldags austantjaldskommúnistaeinræðisherra. En þetta er vinur "nýkrata".

Við rekumst líka á ungverska sósíalistaflokkinn sem er að hluta arftaki ungverska kommúnistaflokksins en þau "nýkratarnir" eru væntanlega enn að halda upp á 50 ára afmæli innrásar sovétmanna í  Ungverjaland, þar féllu ríflega 3000 manns.

Leiðrétt: Enganr saþykktar tölur eru til um hve margir féllu, en um 200 þús. manns flúðu landið og áætluð tala látinna er frá rúmlega 3000 til rúmlega 30.000. í skýrslu Sameinuðu þjóðanna( UN General Assembly Special Committee on the Problem of Hungary (1957) Chapter V footnote 8PDF) er sagt frá tölunni 32 þúsund en sú tala sögð líklega of há.

Króatíski jafnaðarmannaflokkurinn er sprottinn úr króatíska kommúnistaflokknum, en frægasti króatíski kommúnistinn er auðvitað Tító og þótt kommúnistum í gamla daga hafi fundist Tító kúl vegna uppreisnar sinnar gegn yfirgangi Sovétmanna, þá var hann samt einræðisherra í 47 ár.

Ofantalið eru random dæmi af lista "nýkratanna" og örugglega mun fleiri og ógeðfelldari samtök í tenglalista "nýkrata".  En þau kippa sér öruggleg ekki mikið upp við að vera kennd við gamla einræðisherra og arftaka þeirra, þeim þykir örugglega sárara að vera í félagi með Amir Peretz leiðtoga ísraelska verkemannaflokksins og varnarmálaráðherra Ísrael, en hann stýrði innrásinni í Gaza.  Verkamannaflokkurinn ísraelski er ásamt Samfylkingunni og 3 öðrum stjórnmálaflokkum áheyrnarfulltrúi að sambandi semíkomma í Evrópu.

Hvernig mundi hæstvirtur 9. þingmaður Reykjavíkurkjördæmis norður taka á móti kollega sínum og skoðanabróður frá Ísrael?  

 

 


Gott hjá Gulla Þór...

og Ágústi Ólafi, Birgi Ármanns, Bjarna Ben, Sigga Kára, Arnbjörgu Sveins, Pétri Blöndal, Birki J., Einar Má Sigurðarsyni, Kötu Júl, Gunnu Ögmunds, Gunnari Örlygs, Ástu Möller og Sigurrós Þorgrímsdóttur.

Þau eru búin að leggja fram frumvarp um breytingu ýmissa lagaákvæða sem varða sölu áfengis og tóbaks.

Málið er gríðarlega jákvætt og það er í raun fáránlegt að við búum við það ástand sem er að þessi almenna neysluvara sé eingöngu seld í sérstökum búðum. Eitt af mörgu sem ég skil ekki er að af hverju það megi vera með vínbúð á bensínstöð í Hveragerði en ekki í matvöruverslun í Reykjavík. 

Það er svo margt vitlaust við núverandi fyrirkomulag.

Við skulum vona að betur fari fyrir þessu frumvarpi en fyrri frumvörpum um sama efni. Í greinargerð með frumvarpinu segir: Mál þetta var lagt fram á 130., 131. og 132. löggjafarþingi en hlaut ekki afgreiðslu. Á 132. þingi komst frumvarpið ekki í fyrstu umræðu, árið áður náði það í gegnum 1. umræðu en ekki lengra og ári fyrr náði það ekki einu sinni í fyrstu umræðu.

Árið 2001 var lagt fram svipað frumvarp af Vilhjálmi Egilssyni og fleirum, þeir sem helst stóðu upp til að andmæla þá voru Ögmundur Jónasson(suprise, suprise) og Mörður Árnason. Í þeim umræðum lét Mörður þessi ummæli falla:

Hvar er frelsi einstaklingsins til þess að reykja hass? Er það eitthvað ómerkilegra frelsi en frelsi einstaklingsins til þess að kaupa og drekka áfengi?

Aðrir sem mótmæltu frumvarpinu voru þeir Steingrímur Joð og Karl V. Matthíasson. Sá síðarnefndi er á mögulega á leið inn á þing aftur næsta vor og því er mikilvægt að klára málið núna áður en vitleysingar eins og hann komast aftur á þing. 

Fjórtán þingmenn úr 3 flokkum leggja frumvarpið fram, því til viðbótar má nefna að Þorgerður Katrín var einn meðflutningsmanna frumvarps Vilhjálms Egilssonar.  Þannig má telja að amk.fjórðungur þingheims styðji frumvarpið.

Eins má telja til að stærstur hluti þingflokks Sjálfstæðisflokksins styðji frumvarpið. Einnig er líklegt að nokkuð margir þingmanna Samfylkingarinnar styðji málið, fyrir utan kannski hana sem stýrir flokknum, það er nánast öruggt að hún muni taka forsjárhyggjuafstöðu í málinu, hún gerir það alltaf þegar hún á val.

Þótt staðan á þingi er líklega góð er hinsvegar er ástæða til að örvænta um því telja má á fingrum annarrar handar þingmannafrumvörp sem ná því að vera samþykkt.  Á 131. þingi (veturinn 2004-2005) var ekki eitt þingmannafrumvarp samþykkt. Öll frumvörp að veitingu ríkisborgararéttar undanskildum, sem urðu að lögum þann veturinn komu frá ríkisstjórninni! Það er varla von að talað sé um ósjálfstæði löggjafans gagnvart framkvæmdavaldinu.

Þess vegna er mikilvægt fyrir alla sem hafa áhuga á málinu og finnst það asnalegt að eingöngu bíleigendur geti verslað vín eftir kl. 18, finnst það asnalegt að eingöngu á landsbyggðinni megi reka vínbúð með annarri verslun og finnst ríkisskömmtun á víni og víntegundum skammarlegt að taka til máls í málinu. Lesandi, sendu þingmanni í þínu kjördæmi póst og segðu honum að þú viljir að þetta frumvarp nái fram að ganga.

Netföng og símanúmer þingmanna

Kæri ______

Ég treysti á þig til að veita  frumvarpi Guðlaugs Þórs Þórðarsonar ofl. þingmál nr. 26, um breytingu ýmissa lagaákvæða sem varða sölu áfengis og tóbaks, brautargengi á  yfirstandandi þingi.

Styðjir þú frumvarpið og það verði til breytinga á lögum aukast líkur á að þú fáir mitt atkvæði næsta vor.

Ég fylgist með þér. 

Kær kveðja

__________ 

 


Formaðurinn fíflaður?

Orðið.blog.is fjallar um meinta frábæra ræðu Össa í þinginu í dag í máli sem mér hefur verið hugleikið um nokkra hríð. Árið 1999 hækkaði þáverandi fjálrmálaráðherra skatta á fasteignaeigendur um 0,1 prómill. Ekki stór fjárhæð fyrir hvern og einn en margt smátt gerir eitt stórt og og frá árinu 1999 hefur telst þetta til 1.600.000.000 króna.

Árið 1999 var gert ráð fyrir að gerð skráarinnar tæki 5 ár og því voru sólsetursákvæði sett í lögin. Það mistókst herfilega að ná markmiðum því árið 2004 varð að framlengja skattheimtuna.

Þá vildu menn framlengja til 2008 en Efnahags og viðskiptanefnd sá við FMR og framlengdi bara um 2 ár. Nú kemur nýr fjármálaráðherra og vill enn hækka skatta á fasteignaeigendur. Því framlenging lífdaga skatta sem eiga að renna  sitt skeið er ekkert nema skattahækkun.

Pétur Blöndal er formaður efnahags- og viðskiptanefndar og var  það einnig 2004.  Árið í 1999 þegar skatturinn var lagður á var Pétur í nefndinni. Hann er því búinn að þola það í tvígang að samþykkja  skatthækkun sem á ekki rétt á sér. Það væri ótrúlegt að hann léti fífla sig af FMR og Fjármálráðuneytinu í þriðja sinn.

Fyrir 2.300.000.000 krónur á nokkrum árum væri hægt að gera ótrúlega hluti. Fjandinn hafi það, fyrir 325 milljónir á einu ári er hægt að gylla skránna. Fyrir þennan pening ætti að vera hægt að panta sér Cappuccino og Koníak út úr þesari skrá.

Ef Sjálfstæðisflokkurinn ætlar sér að vera trúverðugur í næstu kosningum VERÐUR hann að HÆTTA að hækka skatta, þótt smáir séu. 

 


mbl.is Forsætisráðherra hringdi út viðskiptin í Kauphöllinni í New York
Tilkynna um óviðeigandi tengingu við frétt

Eins gott að stoppið kom ekki fyrir prófkjör.

Maður gæti haldið að þeir væru ekki með  sín mál á hreinu þarna uppi á hæðinni.
framkvæmdi stöðvaðar

En það getur varla verið að  Ólafur Áki sé að tala um sig og formann stjórnar Orkuveitunnar?

Það var samdóma álit okkar og Orkuveitunnar að stöðva framkvæmdir.Við viljum hvorki vera í stríði við Skipulagsstofnun né neinn annan. Við erum friðsemdarmenn.

Það var bara eins gott að þarna er bara verið að tala um þriðja áfanga en ekki þann hluta sem búið er að drekka út í partý þar sem 3000 manns var boðið á kostnað viðskiptavina Orkuveitunnar.

Merkilegt að fyrir 27. okt var ekki hægt að skrifa O og R saman án þess að ákveðinn maður væri þar á mynd. Núna sést hann hvergi.

Þessir náungar hér að neðan hafa örugglega ekki verið í Fljótshlíðinni að leita að jarðhita það er nægur vaðall þarna til að hita stærri sveitir en Rangárþing eystra.

leit að hita

 

 


mbl.is Leitað að jarðhita í Fljótshlíð
Tilkynna um óviðeigandi tengingu við frétt

Sisters are doin' it for themselves

 Hvað er hægt að segja þetta er lag dagsins og helgarinnar. Búinn að vera með lagið á heilanum.

Sisters are doin' it for themselves
Standin' on their own two feet
And ringin' on their own bells
Sisters are doin' it for themselves
Sisters are doin' it for themselves 

Kannski er það bara vegna þess að litlu prinsessurnar mínar, systurnar voru í aðalhlutverki um helgina, kannski ekki.

Þegar ég fékk hönd konu minnar, lofaði ég páfanum sálum barna minna í skiptum. Mér fannst það fín skipti þá og hef ekki enn fengið ástæðu til að efast. Seremóníurnar eru aðrar og umgjörðin er öll fallegri.

Reynar hef ég sagt að þær megi verða kaþólikkar svo lengi sem þær verða ekki kommúnistar* eða KR-ingar.

 

 

 

 

*Þeir sem eru meira en einu staðalfráviki til vinstri miðað við mig.


er ekki eitthvað kómískt...

við það að hlusta á Trausta Valsson tala um yfirvofandi hlýnun heimsins í Speglinum á einum kaldasta degi í manna minnum.

 Reyndar var það sagt í kynningu að hitastig gæti hækkað um 12 gráður fram til ársins 2001. Var verið að endurnýta gamalt viðtal?

Það var reyndar soldið skrítið að hlusta á Trausta tala um að það sé varla líft um miðbik jarðar fyrir gróður eða skepnur. Er einhver búinn að láta þá í auðnum Indónesíu vita? Regnskógurin í Kongó á líklega bara eftir að heyra fréttirnar svo hann geti gefið upp öndina. 

Svo er eitthvað óviðurkunnalegt að TV talar alltaf um þarna suðurfrá séu hlutirnir svona eða hinseginn, er hann að tala um Nýfundnaland eða Góðravonahöfða?

Svo segir hann að til verði tvö belti sem verði byggilegri, eitt norðurbelti og annað suðurbelti sambærilegt. norðurbeltið nái yfir norðu Kanada og ísland og Síberíu. Suðurbeltið verður þá aðallega á Eldlandi og svo munum við sjá uppsveiflu á Falklandseyjum.  

heimurinn

Trausti bætir svo í og segir að fólk sé svo fljótt að gleyma, tjörnin hafi frosið í september-október þegar hann var krakki og hann hafi hafið skipulagsferilinn með bygginu snjóborga. Trausti er fæddur 1946 og samkvæmt gögnum veðurstofunnar var hitastig fyrstu 14 ár ævi Trausta 1/2 til 1 gráðu hlýrra en það næstu 15 ára á eftir og 1/2 gráðu hlýrra en það var um árið 2000.  Mér finnst líklegra að það hafi frekar eitthvað annað frosið en tjörnin í september á þessum árum.

Trausti er að selja bók, hún selst betur ef hún er um heimsenda en sannleikann að Trausti hefur ekki hugmynd um hvað muni gerast og öll bókin er spekúlasjón. Í stað þess að nefna bókina ""How the World will Change - with Global Warming" þá hefði Trausti átt að nefna hana "How the World will Change - in my mind"


Innkomu dagsins...

átti þriggja ára dóttir mín þegar hún ropaði í beinni útsendingu síðdegisútvarpsins.

mistök dagsins á ég fyrir að hafa ekki kennt Páli Ásgeiri um hljóðin.

Það er hægt að hlusta hér. Atburðurinn á sér stað á 10. mínútu og 3. sekúndu, stuttu síðar heyrist hún ítreka beiðni um klósettferð, þetta er krúttlegasta útvarp sem ég hef heyrt, þó ég segi sjálfur frá.

Annars undirstikar þetta að maður á ekki að taka með sér börn í læf útsendingu. 


Skipta orð máli?

Undir HimninumÁ síðasta krummafundi var ofangreind spurning rædd stuttlega eftir spjall Eiríks Guðmundssonar um bók hans Undir Himninum.

Í því samhengi held ég að Árni Johns sé að reyna það á eigin skinni að orðin "tæknileg" og "mistök" skipta máli, sérstaklega saman.


Fyrsta flopp Pelosi

Það var meiriháttar flopp og veikleikamerki fyrir hinn nýja forseta fulltrúadeildarinnar að hennar frambjóðandi féll í kosningunum um "þingflokksformann" demókrata. Murtha er reyndar einn af verstu þingmönnum fulltrúadeildarinnar áður en hann hóf fána stríðsandstöðunnar á loft þá var það mál manna að hann væri á útleið, spilltur og óvinsæll. Hann hefur verið kallaður einn spilltasti þingmaðurinn í fulltrúadeildinni og var fyrir aldrafjórðungi "böstaður" fyrir spillingu í FBI aðgerð en slapp á "tæknilegum mistökum".

Skilgreining moggans á stöðu Murtha er ruglandi bull, mogginn segir:

Hann nýtur þó lítillar hylli meðal frjálslyndra demókrata vegna andstöðu hans við fóstureyðingar, reglur um byssueign og breytingar á siðareglum fulltrúadeildarinnar.

Helstu stuðningsmenn Murtha eru Nancy Pelosi, æðstiprestur "frjálslyndra demókrata" og svo "anti-war" hópurinn. Sú grúpppa er einna lengst til vinstri í demókrataflokknum. Vandinn er að demórkrataflokkurinn eins og repúblíkanar er ekki tvívíður heldur samsettur af mjög mörgum hópum sem hver um sig hefur sín stefnumál.

Gasprarar segja stundum að íslenskir hægri menn teldust lengst til vinstri í amerískum stjórnmálum. Það er della.  í demókrataflokknum er að finna áhrifamikið fólk sem samkvæmt íslenskum stöðlum eru bara venjulegir vinstri menn sem þrá ekkert frekar en dýra og óskilvirka ríkisvæðingu allra mála.

Það er ekki hægt að bera saman stjórnmál þar og hér nema maður einangri mál eins og fóstueyðingar, dauðarefsingar og trú, allt mál sem eru hluti af bandarískri menningu. Ef menn bera saman önnur mál, þá sjá menn að vestra seilast menn enn lengra til vinstri en hér. ríkisvæðing mála er gríðarleg. Á vegaáætlun síðasta árs voru viðhengd 6.400 mál sem kostuðu skattgreiðendur 24 þúsund milljónir bandaríkjadollara. (Hlutfallslega ekki nema 24 milljónir í gæluverkefni hér, en samt sem áður gríðarlegir fjármunir.)

Ég tel reyndar að mjög stór þáttur í ósigri repúblíkana í síðustu viku hafi verið vegna þess að þeir voru búnir að glata trúverðugleika sínum. John Mcain sagði í ræðu í gærkvöldi:

Americans had elected us to change government, and they rejected us because they believed government had changed us. ...

Það eru margar kannanir sem styðja þessa skoðun, verulega stór hópur reglulegra kjósenda repúblikana sat heima  á kjördag. Þolinmæði þeirra gagnvart stjórnamálamönnum sem segja eitt og gera svo annað þegar að kötlunum er komið var þrotin. 

Hér heima kemst stjórnmálaflokkur kannski einu sinni upp með það að segjast ætla að lækka skatta í kosningum en leggja svo til skattahækkun 6 mánuðum fyrir næstu kosningar. Kannski einu sinni, það veltur svolítið á því hvort stjórnarandstaðan sé trúverðug, sem hún er ekki þessa stundina. Ef þessi sami stjórnmálaflokkurin setur svo spillta stjórnmálamann í framboð og treður fjölskyldumeðlimum á lista, þá veit ekki á gott.  Það er uppskrift að vondum vetri og verra vori.

 

 


mbl.is Keppinautur Nancy Pelosi kjörinn þingflokksformaður demókrata
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband