Jamm og jæja... tæknileg mistök.

Það var nefnilega það. 
Hér að neðan urðu margir til að gera athugasemdir við blogið um Árna Johnsen, bæði í athugasemdum og í bréfum til blogsins. Ég var talinn dæma hann hart og ég veit ekki hvað og hvað, sérstaklega þóttu þessi orð mín ómakleg:

Ég tel að með framboði sínu sé Árni að reyna að sanna það að hann hafi alls ekki verið sekur, að hann sakleysi hans verði sannað með því að hann verði kosinn á þing að nýju. Ef það er rétt þá mun hann taka upp fyrri iðju til að sanna það að hún hafi ekki verið saknæm. Það mun verða Sjálfstæðisflokknum dýrkeypt.

Með orðum sínum í fréttum í gær er ÁJ lagður af stað þann veg sem ég lýsi, hann viðurkennir ekkert nema "tæknileg mistök", sýnir enga iðrun. 

Ég veit ekki hvernig eigi að taka á framboðsmálum á Suðurlandi, en ef Sjálfstæðismenn í öðrum kjördæmum sýna hug sinn í málinu þá eru það skilaboð til kjósenda þeirra að vera ÁJ á framboðslista Sjálfstæðisflokksins sé þeim ekki að skapi.  Ég vona að Árna Johns málið verði ekki að kosningamáli en maðurinn er svo upptekinn af því að gefa frá sér heimskulegar yfirlýsingar sem ergja fólk að það er mikil hætta á því að hann verði í aðalhlutverki næsta vor. 

Árni iðrast ,,tæknilegra mistaka"

Athugasemdir

[Sjálfstæðismaður (IP-tala skráð) 15.11.2006 kl. 16:38]

"Árni Johnsen, verðandi alþingismaður, segist iðrast og biðst fyrirgefningar á mistökum sínum, annars væri hann gerður úr steini. Hann segist hafa gert tæknileg mistök sem enginn hafi tapað á. Margir hafi gert mistök í því máli en enginn hafi sem betur fer verið sóttur til saka nema hann. "

 Er hann ekki að iðrast þarna???´

Þú segir að hann verði byrjaður að stela áður en langt um líður, gefa þessi orð það til kynna?

Annars veit ég ekki um neina persónu sem brýtur af sér, afplánar dóm sinn og snýr til betri vegar og álitur þann kafla í lífi sínu er hann framdi afbrotin ekki sem mistök!!!

[mr.johnsen (IP-tala skráð) 15.11.2006 kl. 16:54]

apalegt comment hjá kallinum......eg verð að viðurkenna það bara.

 eftir svona glæsilega kosningu var upplagt að segja bara sorry...og meina það....ótrúlega klaufalegt.

[Þórir Hrafn Gunnarsson, 15.11.2006 kl. 22:45]

Spurning að einhver bendi fyrsta kommentara á það að setningin á eftir undirstrikuðu setningunni hjá Árna, núllar soldið út alla iðrun. Maðurinn virðist ekki gera sér grein fyrir því að hafa gert nokkuð rangt.

Maður sem telur að "enginn tapi á" því að stela peningum skattborgara á ekkert erindi á þing.

Kveðjur :)

[FreedomFries, 15.11.2006 kl. 23:05]

Árni Johnsen er "íhaldsmaður" steyptur í sama mót og repúblíkanarnir Curt Weldon og Conrad Burns. Það væri sjálfstæðisflokknum til háborinnar skammar að hleypa Árna aftur á þing, því maðurinn hefur augljóslega ekki örgðu af siðferðiskennd. Ég er sammála þér að ummæli Árna sýna að hann virðist ekki skilja að hann hafi brotið af sér, og að þau sýni að honum sé ekki treystandi til þess að vera í aðstöðu þar sem hann hefur aðgang að peningum skattgreiðenda.

Annars langaði mig til að þakka þér fyrir hlýleg orð í minn garð fyrir tveimur vikum síðan!

með kveðjum frá mpls, Magnús