Stoke

Er það ekki írónískt að stjórinn sem Gunnar Þór Gíslason rak sé sá sem kom Stoke upp í úrvalsdeildina.

Var það ekki hótun Magnúsar Kristinssonar um að selja sig út úr félaginu sem olli brottrekstrinum?

Mig minnir að hann hafi verið ósáttur við að Tony Pulis vildi leikmenn frá Bretlandseyjum en ekki Íslandi.

Í 26 manna hópi Stoke eru 6 sem eru ekki frá Bretlandseyjum, 4 af þessum 6 hafa leikið á Englandi í meira en 6 ár. Það er ekki hægt að segja annað en stefna Pulis hafi skilað meiri árangri en MAgnúsar og Gunnars.

 

Athugasemdir

[Gísli Gíslason, 7.5.2008 kl. 09:10]

Og Gary Megson er hjá Bolton, en þeir ráku hann frá Stoke þegar þeir tóku við liðinu, til að rýma fyrir Guðjóni Þórðarsyni.  Þannig að á næstu leiktíð verða tveir framkvæmdarstjórar í bresku úrvalsdeildinn sem báðir fengu að taka pokann sinn þegar Íslendingarnir réðu í Stoke !!

[Marinó G. Njálsson, 7.5.2008 kl. 09:43]

Friðjón, mér finnst þú lesa vitlaust í spilin.  Það reyndi ekkert að ráði á þetta á fyrri valdatíma Pulis.  Hann neitaði almennt að nota leikmenn utan Bretlandseyja (með fáum undantekningum) og neitaði að leita út fyrir Bretlandseyjar.  Ástæðan sem hann gaf var að hann þekkti ekki símanúmer þjálfara liða á meginlandinu!!  Og með einni undantekningu, þá losaði hann sig við erlenda leikmenn eins fljótt og hægt var.  Þessi eina undantekning var Sergei Shtanuyak.  Á seinna tímaskeiðinu losaði hann sig við Carl Hoefkens, leikmann ársins 2006-7, vegna þess að hann var útlendingur.

Síðan er kaldhæðnin ennþá meiri í því að forráðamenn Stoke komu nýlega á sambandi við knattspyrnulið í Bandaríkjunum með leikmannaskipti í huga (vissulega á stjórnarmaður í Stoke liðið) og eru að reyna að koma á sambærilegu sambandi við Sporting í Lisabon.  Menn voru sendir frá félaginu á Afríkukeppnina og var mikið reynt að ná samningum við a.m.k. tvo leikmenn meðan á þeirri keppni stóð (annar er frá Kongó og hin Malí).  Þá hefur yfirnjósnari félagsins dvalið langtímum saman á meginlandi Evrópu í vetur að líta á leikmenn í Frakklandi, Belgíu, Hollandi og í Austur-Evrópu.  Við skulum því reikna með því að þó nokkuð margir útlendingar verði í Stoke-liðinu á næsta tímabili.  Í vetur var síðan gerður samningur við gjörsamlega óþekktan leikmann frá Jamica sem hefur ekki einu sinni náð á varamannabekkinn.

Annars vill svo til að stuðningsmenn Stoke voru ekkert ósáttir við það þegar Pulis var rekinn, þar sem liðið spilaði ákaflega leiðinlegan fótbolta undir stjórn hans.  Bossie (Johan Boskamp) sem tók við af Pulis var aftur í hávegum hafður, þar sem leikur liðsins var skemmtilegur.  Það voru ekki margir sem fögnuðu komu Pulis (hvað þá Peter Coates) aftur til Stoke, þó menn séu að sjálfsögðu ánægðir með árangurinn í dag.