Ég fíla Vilhjálm Þ. Vilhjálmsson...

Hann er eðalmaður Vilhjálmur Þ Vilhjálmsson formaður Orators og hefur algjörlega rétt fyrir sér í þessari jafnréttisnefndarbókunar/Gríms geitskórs deilu.

Orator fordæmir bókun jafnréttisnefndar HÍ 

Í raun er það furðulegt að Brynhildur Flóvens hafi staðið að þessari bókun nema henni sé sérstaklega uppsigað við  eitt skemmtilegasta menningarrit háskólans. 

Ég man það amk að ég greip Grím í hvert sinn sem ég var í stjórnmálafræðitímum í Lögbergi og las. Ég átti marga vini í lagadeildinni og gat mér til ánægju, oft fundið eitthvað misjafnt um þá í þessum trausta fréttamiðli.

Allir sem lesið hafa Grím átta sig á því hverskonar blað er um að ræða og það er synd að í jafnréttisnefnd HÍ skuli ekki vera einhver sem kunni að segja fólki að slappa aðeins af og hafa frekar áhyggjur af einhverju sem skiptir máli.

Villi kann það, enda eðalmaður.

Athugasemdir

[Friðjón R. Friðjónsson, 12.3.2008 kl. 16:50]

Ég er að tala um vin minn Vilhjálm Þór Vilhjálmsson formann Orators félags laganema. Hann er hvorugur þeirra sem þú nefnir. Þeir eru báðir lögfræðingar, Vilhjálmur Þór er laganemi.

Það er kannski tvíeggjað að bera þetta nafn, báðir þeir sem þú nefnir eru umdeildir en hinsvegar er nafnið þekkt.

Copy/paste Villi eins og þú nefnir hann er Vilhjálmur Hans Vilhjálmsson og Gamli góði Villi er Vilhjálmur Þórmundur.  

[Stefán Bogi Sveinsson, 12.3.2008 kl. 18:42]

Og ekki má svo gleyma Vilhjálmi Hans Vilhjálmssyni hrl. sem er einmitt faðir Vilhjáms Hans Vilhjálmssonar hdl. sem stundum hefur verið kenndur við copy/paste. Þetta er erfitt nafn að bera.