Áfram áfram

Þegar Valgerður, Guðni og Siv standa frammi fyrir því að þurfa að velja milli áframhaldandi stjórnarsamstafs eða stjórnarandstöðu þá er ekki spurning hvað verður fyrir valinu. Það er of mikið stökk frá því að hafa verði ráðherrar í mörg ár í það að þurfa að opna póstinn sinn sjálfur og keyra sér sjálfur milli staða. Það er of erfitt. Þau munu fara í stjórn með Sjöllum

þrátt fyrir allkonars yfirlýsingar um vilja kjósenda og bla bla bla þá verða það þessi persónulegu hagsmunamál sem vega þyngst.

 

Af hverju

gekk Jónína Bjartmarz um bæinn á föstudag og hélt því fram að árás Jóhannesar Jónssonar á Björn Bjarnason hafi verið samþykkt af áhrifamönnum í Sjálfstæðisflokknum?

Það er tvennt sem kemur til greina:

1. Jónína sagði ósatt og ætti að biðja Björn og Sjálfstæðisflokkinn afsökunar.
2. Jónína sagði satt og þá þarf að upplýsa hvaða menn standa í svoleiðis svikráðum.

Það væri gaman ef einhver hringdi í Jónínu og spyrði hana hvað hún hefði fyrir sér varðandi þetta mál.

Umdeildar embættisveitingar?

Ég hóf að setja saman neðangreind orð af öðru tilefni, en auglýsingar vænisjúks auðmanns sem vill kaupa sér ákveðna niðurstöðu í kosningum setja þessi orð í annað ljós. Í öllum blöðum er auglýst og fólk hvatt til að strika yfir Björn Bjarnason (Mér þætti reyndar vænt um að kjósendur Samfylkingarinnar gerðu sem mest af því) Í auglýsingunni er eftirfarandi haldið fram:

Embættisveitingar Björns hafa verið harðlega gagnrýndar á undanförnum árum.

En hvaða embættisveitingar eru það?

Á vef dómsmálaráðuneytisins var í gær birt myndin sem er hér að ofan, hún er af ráðherra með lögreglustjórum landsins og nokkrum embættismönnum.  Á myndinni eru 5 konur í karlaskara og það rann upp fyrir mér að 4 þeirra voru skipaðar eða veitt stöðuhækkun af Birni en einungis tveir åf körlunum 14, hinir tólf voru skipaðir í stöðu sínar fyrir tíð Björns. Ég fór að velta því fyrir mér hvernig er með aðrar skipanir því ég man úr störfum mínum í ráðuneytinu að þegar hann tók við embætti var hlutfall kvenna í nefndum á vegum ráðuneytisins rétt rúm 25%, 3 árum síðar var hlutfallið komið í tæp 40% ef ég man rétt.  

Eins og ég minntist á að ofan þá hefur hann skipað konur í embætti ef maður rennir yfir vef dómsmálaráðuneytisins finnur maður eftirfarandi:

Í dómsmálaráðherratíð sinni hefur Björn skipað 4 sýslumenn, 3 konur 1 karl.

• Kristín Völundardóttir skipuð sýslumaður í Hólmavík og síðar á Ísafirði
• Ásdísi Ármannsdóttur sýslumaður á Siglufirði
• Láru Huld Guðjónsdóttur sýslumaður á Hólmavík.
• Guðgeir Eyjólfsson sýslumaður í Keflavík

Hann hefur skipað 8 héraðsdómara 4 konur og 4 karla.

• Sigrún Guðmundsdóttur skipuð dómari við Héraðsdóm Reykjavíkur
• Ragnheiði Bragadóttur héraðsdómari við héraðsdóm Austurlands.
• Ástríði Grímsdóttur héraðsdómari við héraðsdóm Suðurlands
• Arnfríði Einarsdóttur héraðsdómari við héraðsdóm Reykjaness
• Ásgeir Magnússon héraðsdómari án fasts aðseturs
• Skúla Magnússon héraðsdómari við Héraðsdóm Reykjavíkur
• Símon Sigvaldason skipaður héraðsdómari án fasts aðseturs
• Ingimund Einarsson héraðsdómari við Héraðsdóm Reykjavíkur

Skipan saksóknara er þannig:

• Ragnheiði Harðardóttur skipuð í embætti vararíkissaksóknara
• Kolbrúnu Sævarsdóttur í embætti saksóknara hjá ríkissaksóknara
• Helga Magnús Gunnarsson í embætti saksóknara hjá ríkissaksóknara
• Sigríði Elsu Kjartansdóttur í embætti saksóknara hjá ríkissaksóknara

Aðrar skipanir:

• Sigríður Björk Guðjónsdóttir skipuð aðstoðarríkislögreglustjóri
• Hildur Dungal skipuð forstjóri Útlendingastofnunar
• Stefán Eiríksson í embætti lögreglustjóra höfuðborgarsvæðisins (engin kona sótti um)
• Georg Lárusson forstjóri Landhelgisgæslu (engin kona sótti um)
• Ólafur Börkur Þorvaldsson hæstaréttardómari

Þá hefur Björn  valið sér 4 aðstoðarmenn í ráðherratíð sinni í menntamálaráðuneytinu og dómsmálaráðuneytinu, 2 konur og 2 karla.

Margir stjórnmálamenn tala og tala um hlutina, munurinn á þeim og Birni er að hann framkvæmir.

Auglýsingar auðmannsins gefa í skyn að eitthvað óeðlilegt sé með embættisveitingar dómsmálaráðherra, Pétur Gunnarsson segist hafa skömm á aðferðum Björns, af öllum þessum embættisveitingum þá hefur skipan Ólafs Barkar ein ollið úlfaþyt, en hver er tilbúinn nú til að segja að hann eigi ekki heima í Hæstarétti. Af öllum þessum embættisveitingum að hverri þeirra var þannig staðið að skömm væri að? 

Yngri dóttir mín vaknaði áðan og þar sem ég var að sinna henni áttaði ég mig á því að ég væri að sýsla með það sama og Jóhannes Jónsson ber á borð fyrir íslenska kjósendur í dag - mannlegan úrgang.

Nýjir þingmenn

Þegar maður raðar öllum könnunum síðustu daga upp hlið við hlið þá kemur áhugavert mynstur í ljós. Ég held að Sjálfstæðiflokkurinn fá aðeins minna en meðaltalið en Framsókn meira og stjórnin haldi með 33-34 þingmönnum.

Dagsetningarnar eru birtingadagsetningar en segja ekki til um hvenær þær voru gerðar. Þær voru allar gerðar í vikunni. En það eru nokkrar vísbendingar sem maður sér líka þegar maður skoðar hvert kjördæmi. Sjálfstæðisflokkurinn er að fara að vinna stórsigur í Suðurkjördæmi miðað við síðustu kosningar. VG er með góða stöðu í Reykjavík norður, svo góða að Paul Nikolov er inni í samantektinni minni. Hinsvegar líta kannanirnar ekki eins vel út í kjördæmi formannsins og Þuríður Bachman er úti. Steingrímur gæti misst mann í sínu kjördæmi. Þingmannastaðan er fyrir neðan grafið. 

Stjórnin hangir.

B	D	F	S	V
7	26	3	17	10

 Út úr þessu vildi ég sjá 2/3 - 1/3 (8/4) stjórn D og B en þar sem flokkarnir skiptu ráðuneytunum upp á nýtt.

Þingmannalistinn byggður á öllum könnunum,

Jón Sigurðsson	j 5
Siv Friðleifsdóttir
Guðni Ágústsson
Bjarni Harðarson
Valgerður Sverrisdóttir
Birkir Jón Jónsson
Magnús Stefánsson
Geir H. Haarde
Björn Bjarnason
Illugi Gunnarsson
Ásta Möller
Birgir Ármannsson
Dögg Pálsdóttir	j 9
Guðlaugur Þór Þórðarson
Guðfinna S. Bjarnadóttir
Pétur H. Blöndal
Sigurður Kári Kristjánsson
Þorgerður Katrín Gunnarsdóttir
Bjarni Benediktsson
Ármann Kr. Ólafsson
Jón Gunnarsson
Ragnheiður Elín Árnadóttir
Ragnheiður Ríkharðsdóttir	j 8
Árni M. Mathiesen
Árni Johnsen
Kjartan Þ. Ólafsson,
Björk Guðjónsdóttir
Kristján Þór Júlíusson
Arnbjörg Sveinsdóttir
Ólöf Nordal
Sturla Böðvarsson
Einar Kristinn Guðfinnsson
Einar Oddur Kristjánsson
Grétar Mar Jónsson	j 2
Sigurjón Þórðarson	J 1
Guðjón Arnar Kristjánsson
Ingibjörg Sólrún Gísladóttir
Ágúst Ólafur Ágústsson
Ásta Ragnheiður Jóhannesdóttir
Össur Skarphéðinsson
Jóhanna Sigurðardóttir
Helgi Hjörvar
Gunnar Svavarsson
Katrín Júlíusdóttir
Þórunn Sveinbjarnardóttir
Árni Páll Árnason	j 6
Björgvin G. Sigurðsson
Lúðvík Bergvinsson
Kristján L. Möller
Einar Már Sigurðarson
Lára Stefánsdóttir
Guðbjartur Hannesson
Karl V. Matthíasson
Kolbrún Halldórsdóttir
Álfheiður Ingadóttir	j 4
Katrín Jakobsdóttir
Árni Þór Sigurðsson
Paul Nikolov	j 7
Ögmundur Jónasson
Atli Gíslason
Steingrímur J. Sigfússon
Jón Bjarnason
Ingibjörg Inga Guðmundsdóttir	j 3

Ríkisstjórnin með meirihlutafylgi skv. könnun Fréttablaðsins

Meirihluti?

EF könnun Blaðsins er rétt á Sjálfstæðisflokkurinn möguleika á meirihluta. Samkvæmt henni koma Frjálslyndir ekki manni inn, hvorki í kjördæmi eða sem jöfnunarmanni. 7,6% atkvæða féllu dauð og það dygði Sjálfstæðisflokknum til meirihluta.

B	D	F	I	S	V
5	32	0	0	18	8
8,30%	44,70%	4,70%	2,90%	25,30%	14,10%

Mikið væri það gaman að sjá einn flokk til ábyrgðar. Þá væri ekki lengur hægt að skýla sér á bak við samstarfsflokkinn. Þá yrðu menn að standa fyrir sínu.

Ég hef enga trú á því að könnun Blaðsins rætist. Ekki frekar en ég held að Jóhannesi í Bónus verði að ósmekklegri ósk sinni. Var það þetta sem menn höfðu í huga þegar vildu takmarka augýsingar stjórnmálaflokka?

Ég vann um mjög skamma hríð í Bónus fyrir mörgum árum þegar ég var nýútskrifaðu úr menntó, þá var Jói meiri trúður en stjórnandi, ég hef ekki séð neitt á síðari árum sem hefur breytt því áliti mínu.