Það þarf að leggja niður Jarðhitaskóla SÞ

Það gengur ekki að menn séu að skiptast á upplýsingum gratís! Svo er verið að kenna fólki frá öðrum löndum að nýta jarðavarma. Það er skýrt brot á þjónustusamning REI og OR! 

Hvernig eigum við að græða 500 milljarða ef einhverjir vísindamenn eru ekki að spila með og skiptast bara á upplýsingum?  Þessi skóli er bara óþjóðhollur.

 

 

Það er síðan eitthvað ljóðrænt við það að borgarstjóratíð Dags B. Eggertssonar skuli getin í gufu og heitu lofti. 

Athugasemdir

[Ragnhildur (IP-tala skráð) 15.10.2007 kl. 10:38]

I love you

[Benedikt Benediktsson (IP-tala skráð) 15.10.2007 kl. 11:14]

Ég held því fram að þetta sé ekki alveg rétt hjá þér, eða allavega að nokkru leyti vanhugsað. Þetta er allt bara spurning um framboð og eftirspurn. Við þurfum að skoða þetta út frá því hvað er verið að selja í þessu tilviki.

OR og REI eru ekki að fara út í að selja hverja aðra vöru sem er vinsæl og því líklegt að margir vilji fara út í samskonar framleiðslu - þarna er ekki hægt að líkja þessu við bakara sem sé að glutra uppskriftunum út í loftið og tapa þannig viðskiptum. OR og REI eru að fara út í að selja þekkingu sem er til staðar hjá fyrirtækjunum - mætti því frekar líkja þessu við bakara sem er að selja gæði handverks síns sem byggt er á framúrskarandi þekkingu og reynslu. 

Til þess að hugsanlegir kaupendur hafi áhuga á að kaupa þá þekkingu verður að vera búið að vinna jarðveginn þ.a. þeir viti hvað er um að ræða og að þetta virki allt saman. Það má því segja að jarðhitaskóli SÞ sé fyrir OR og REI býsna hagstætt og gott markaðstæki. Ætla má að sá fjölþjóðlegi kjarni nemenda sem nema við þennan skóla dreifi sér svo inn í vísindamannasamfélög margra landa og verði þannig óbeint okkar fulltrúar þar þegar kemur að því að selja okkar þjónustu á viðkomandi svæði. Þannig má segja að ef viðkomandi einstaklingar verði ekki til staðar þá má gera ráð fyrir að eftirspurnin á því svæði verði hugsanlega minni þ.s. engin sérfræðingur er til staðar til að segja til um hvort verið er að selja kauphæfa þjónustu eða ekki.  

Auk þess mun JHS SÞ veita OR og REI nauðsynlegt aðhald við að þróa sína þjónustu þ.a. að hún sé alltaf söluhæfust. Þá græða allir.

Það er hinsvegar frekar spurning hvort að OR og REI sjái sér ekki frekar hag af því að styrkja starf JHS SÞ meira en gert er í dag?

[Sigurður Viktor Úlfarsson, 15.10.2007 kl. 16:16]

REI er í dag að nýta krafta fyrrum nemenda JHS SÞ t.d. í Djibuti og víðar.  Lykilmenn hjá REI og OR hafa kennt við jarðhitaskólann í áratugi og þekkja því vel þá nemendur sem þaðan hafa útskrifast.  Þessi tengsl nýtast vel núna þegar finna þarf fólk í fjarlægum löndum sem getur verið okkur innan handar varðandi uppbyggingu í viðkomandi landi og þekkir og treystir okkur og þeim aðferðum sem við beitum.

[Þorsteinn Sverrisson, 15.10.2007 kl. 19:39]

Sæll Friðjón. Þetta er svipað viðhorf og hjá þeim sem voru á móti því að Íslendingar flyttu út íslenska stóðhesta hér á árum áður.

[Pétur Þorleifsson , 15.10.2007 kl. 22:44]

Já, bara óþjóðhollur !

[Friðjón R. Friðjónsson, 16.10.2007 kl. 00:23]

Það er löngu orðið ljóst að háð er ekki allra.

[Rummy, 16.10.2007 kl. 12:23]

Endilega að banna IAEA í leiðinni - þeir deila mikilvægum upplýsingum sem nýst geta þjóðum til þess að þróa orkuver sem nýta ekki jarðhita né fallvötn.  Hættuleg samkeppni undir forystu Egyptans útsmogna.