Fálkaorðan og molbúar

Það var áhugavert að skoða færslurnar sem tengdar voru við fréttina um veitingu fálkaorðunnar. Sumar voru ágætar, fögnuðu glaðlega með orðuhafa. Svo voru aðrir sem skilja ekki tilganginn með þessu fyrirbæri og hjá öðrum sést í Molbúann.

Jenný Önnu Baldursdóttir, sem er femínisti og vinstri græn finnst þetta ÞAÐ HALÆRISLEGASTA Í VEGTYLLUBRANSANUM...

Hafsteinn Viðar Ægisson sem heldur með fótboltaliði segir:
Enn og aftur úthlutar forseti vor skammarverðlaunum á 17. júní eins og tíðkast hefur og enn og aftur eru opinberir starfsmenn í meirihluta að því er virðist fyrir að hafa mætt í vinnuna.

Bitrasti bloggarinn sagði mig eitt sinn, eyðileggja allt með smámunasemi og tittlingaskít. Ég verð að standa undir því hóli og benda á að þetta bara ekki rétt hjá United blogaranum Hafsteini, þrjú af tíu eru opinberir starfsmenn.


Valur Ægisson sem er örugglega ekki femínisti spyr og svarar
Fyrir hvað er þetta lið að fá viðurkenningu? Flestir ekki neitt.

En hann veit það ekki. Verkfræðingurinn ungi veit ekki neitt um þetta fólk en telur sig samt þess umkominn að fella dóm um það og starfsævi þeirra.


Kjarninn í tuðinu birtist svo í orðum Bjargar Kristjönu Sigurðardóttir sem er lestrarhestur, fréttafíkill og jafnréttissinni. hún spyr: 
Ég þekki ekki mikil deili á því fólki fékk orður í dag. En ég spyr mig, af hverju á einhver hótelstjóri eða jarðfræðingur þessa orðu frekar skilið en annað fólk sem gegnir samskonar störfum?

Uhh, vegna þess að fólki fannst þau skara framúr og benti orðunefnd á það.


Það er ákaflega viðeigandi að veita fólki sem hefur skarað framúr eða lagt mikið á sig í þágu annarra, viðurkenningu.

Forsetaembættið og orðunefnd mætti hinsvegar búa til stutt yfirlit um hvern og einn svona til að draga fram hvaða fólk er þarna á ferð og upplýsa unga verkfræðinga um snillinga eins og Sverri Hermannsson.


 

Athugasemdir

[Eva Þorsteinsdóttir, 18.6.2007 kl. 07:23]

Úfff.... nú á sko eftir að rigna yfir þig athugasemdunum ;)

[rigningardropi (IP-tala skráð) 18.6.2007 kl. 13:39]

Menn eru kanski aðeins að gagnrýna fyrir hvað menn fá þessa blessuðu orðu. Það vill nú þannig til að þegar til dæmis Þyrluáhöfnin fékk þessa orðu,þá fanst mönnum það mikil viðurkenning á þeirra starfi...einhvern veginn hafa menn á tilfinninguna að eftir að allt þetta ágæta fólk hefur fengið þessa sömu viðurkenningu,þá sé það bara hreinlega ekkert merkilegt að fá þetta.

 Tilfellið er nú bara einfaldlega að mér er nokk sama hvað þú segir, Rannveig Rist til dæmis hefur fengið þessa orðu og ætlum við að halda því fram að störf hennar til samfélagsins kalli á sömu viðurkenningu og til dæmis þegar þyrluáhöfnin fékk þetta ?? Eða ertu að segja að þegar öllu er á botninn hvolft,þá fékk Rannveig þessa orðu bara vegna þess að einhver nennti að benda orðunefnd á hana en ekki einhvern annan forstjórann ?? Þetta er bara bull og gerir lítið úr þeirri ýmind sem þjóðin hefur af þessari orðu. Fyrir þjóðinni er þetta bara eitthvað svo miklu miklu stærra og merkilegra en að einhver forstjóri eða básúnuleikari úr breiðholtinu (með fullri virðingu fyrir þeim) eigi að fá svona viðurkenningu...það er til fullt af allskyns viðurkenningum sem fólki hlotnast...má ekki bara halda þessari spes ? Eða á Bara Stebbi Hilmars að fá orðu frá forsetanum ef ég bendi nefndinni á það?

Dolli

[Hreiðar Eiríksson, 18.6.2007 kl. 14:38]

Sæll Friðjón.

Ég tek heilshugar undir þennan pistil þinn.  Ég sé ekkert athugavert við það að fólk fái orðu fyrir að hafa þjónustað samfélagið lengi og dyggilega.  Það er algengur misskilningur að það séu bara þyrlubjörgunarsveitarmenn, hjálparsveitarmenn og afreksmenn í íþróttum sem vinna samfélaginu gagn.  Fjöldi venjulegra manna vinnur af samviskusemi og alúð við að bæta samfélagið og skapa þegnum þess betri og hamingjuríkari framtíð.  Þessir menn og konur gera þetta af hugsjón og án vonar um fjárhagslegan ábata.  Ég er ánægður með að þetta fólk skuli verðlaunað með orðuveitingum.

Varðandi opinbera starfsmenn þá vinna þeir vandasöm og mikilvæg störf.  Launaumhverfi þeirra er þannig úr garði gert að sá sem "bara mætir í vinnuna" ber jafnmikið úr býtum og sá sem leggur líf sitt og sál í starfið og sinnir því af alúð og samviskusemi.  Það er því ekkert óeðlilegt við það þótt meðal orðuhafa séu opinberir starfsmenn.

Getur það verið að menntakerfi okkar Íslendinga sé orðið svo lítilfjörlegt að menn geti verið verkfræðingar, svo dæmi sé tekið, án þess að þekkja eða skilja fyrirkomulag veitinga einhverrar æðstu orðu sem veitt er á Íslandi.  Getur verið að við séum orðin svo vön því að rakka niður allt sem gert er að við þolum ekki að fólki sé hrósað eða því veittar viðurkenningar fyrir það sem vel er gert.  Ég vona að svo sé ekki.

[Jenný Anna Baldursdóttir, 18.6.2007 kl. 17:33]

Ég vil byrja á að þakka þér fyrir að "linka" á mig.  Pabbi minn hefur yfirleitt þau orð um menn sem ekki þora að hugsa framávið og út fyrir kassann, að þeir séu molbúar.  Hann er eldblátt íhald þessi elska þrátt fyrir það.

Orður eru asnaleg arfðleifð frá konungstímanum og ég myndi ekki gráta það heyrðu þær sögunni til.  En ég þakka annars fyrir frábæra pistla.

[Hermann (IP-tala skráð) 18.6.2007 kl. 17:35]

Sæll, gott að þú bendir á þetta, óþolandi þegar fólk fer að tuða útaf eigin þekkingarleysi, og á heimasíðu Íslenskra Orkuransókna er skrifað um Dr. Kristján Sæmundsson jarðfræðing sem fékk fálkaorðu, www.isor.is

[Regndropinn (IP-tala skráð) 18.6.2007 kl. 17:36]

Þú hittir akkúrat naglann á höfuðið þegar þú minntist á "einhverja æðstu orði sem veitt er á Íslandi"!!! Okkur finnst bara sumum að menn þurfi að gera meira heldur en að veita samfélaginu "gagn" eins og þú orðar það,til þess að fá slíka orðu... slík orða er ætluð fyrir eitthvað einstakt..eitthvað svo miklu stærra...eitthvað sem er svo stórkostlegt að maður sæi sjálfan sig aldrei leika slíkt eftir...

 Hvað gerði Rannveig Rist svona merkilegt til þess að hljóta slíka viðurkenningu? Ekki það að ég hafi neitt á móti henni..alls ekki..... Ég er bara á þeirri skoðun að hún,ásamt fleirum hafi unnið góð störf og átt skilið viðurkenningu fyrir,en kanski ekki Riddarakross hinnar íslensku fálkaorðu úr hendi forseta Íslands.... Eru menn ekki alveg að átta sig á því hvaða viðurkenning það er ?? Væri ekki bara allt í lagi að veita annarskonar viðurkenningar fyrir vel unnin störf í hinu og þessu ??

 Dolli..

[Friðjón R. Friðjónsson, 19.6.2007 kl. 02:53]

Fálkaorðan er til í 5 stigum (sjá vef forsetans) því er nægt svigrúm til að heiðra menn fyrir mismunandi afrek til dæmis fékk Helgi Tómasson stórkross fálkaorðunnar(4.stig) fyrir mánuði eða svo. En hann hefur ekkert skarað fram úr, þetta er bara tómt snobb.

Ég er viss um að það er hægt að finna mjög marga sem finnst Rannveig Rist hafa skarað framúr, var hún ekki valin kona ársins fyrir nokkrum árum?

Sveinn Elías, útskýrðu fyrir mér hvað er snobbað við vinnu Sverris Hermannssonar?


Valur, ég  var ekki að vísa í færsluna heldur bloggið almennt þegar ég sagði þig örugglega ekki femínista. Það er ályktun dregin af því að enginn femínisti myndi eiga snillinga Davíð Örn, Stefán Einar, Gísla Frey, Gunnar Dofra, Gunnlaug Snæ og Hönnu Kristínu að meirihluta bloggvina.

Þetta var vísun í að þegar ég byrjaði að skrifa þessa færslu var hluti þeirra sem kommentaði á fréttina blogara sem skilgreina sig sem femínista. Hvaða samtök ættu að heiðra Helga Tómasson, SVÞ? Samtök og félög heiðra þá sem starfa í þeirra þágu, fálkaorðan á að vera eitthvað meira. Auðvitað gerist það að einhver fái viðurkenningu sem manni finnt ekki eiga það skilið, en hey svona er lífið. Við eigum skilið betri forseta en við klúðruðum því fyrir 11 árum og sitjum nú uppi með það sem við höfum.

[Árni Gunnarsson, 19.6.2007 kl. 18:09]

Það er mikill misskilningur að þjóð sem kýs Sjálfstæðisflokkinn til forystu enn einu sinni eigi skilið betri forseta. Það er líka misskilningur að við höfum hafnað betra forsetaefni fyrir 11 árum. Ég hygg að vandfundinn sé betri forseti en Ólafur Ragnar og sé hann ekki fyrir mér svona í fljótu bragði.

 Mikið er íhaldið búið að reyna að eignast sinn forseta en svo illa er nú ekki ennþá komið fyrir þessari guðsvoluðu þjóð.