Fellur á fyrsta prófi

Það var sorglegt að sjá Einar K Guðfinnsson falla á fyrsta prófi sem lagt var fyrir hann sem landbúnaðarráðherra.

Hann var spurður í viðtali á Stöð 2 um innflutning á landbúnaðarafurðum og það vareins og Guðni væri kominn aftur í stólinn, bara minna fyndinn.

Einar, það er enginn að biðja þig um að "rústa" íslenskum landbúnaði,  bara gefa okkur von um að eitthvað breytist frá samhengislausa ruglinu sem kom frá landbúnaðarráðuneytinu í tíð Guðna.

Það eru til tvennskonar ráðherrar, þeir sem Ráða og þeir sem slyttast í að verða málpípur embættismanna. Ekki verða síðari sortin, þú ert of góður maður til þess.

 Hér má sjá ára frá Nýja-Sjálandi

Það er ógn og skelfing á Brúnastöðum en við vonum að menn haldi ró sinni í Bolungarvík. 

Athugasemdir

[Haraldur Haraldsson, 29.5.2007 kl. 14:23]

Þarna er eg sko sammála þer /Hann fell i grifju Framsóknar/Halli gamli

[Jón Hafsteinn Ragnarsson, 30.5.2007 kl. 13:35]

Voðalega þurfa menn að hamra alltaf á þessu með innflutninginn. EF fólk heldur að það muni hafa einhver úrslitaáhrif á verð matvæla, þá er eitthvað mikið að. Stærsti kostnaðarliður heimilanna er sjálfsagt lánin, vextirnir og verðbæturnar, en nei!!! Nokkura prósenta lækkun á landbúnaðarvörum á eftir að gera alla ríka. Lesið þetta og sjáið sjálfir http://www.bondi.is/landbunadur/wgbi.nsf/Attachment/svona_er_isl_landbunadur_2007/$file/svona_er_isl_landbunadur_2007.pdf

[Bjarni Kjartansson, 30.5.2007 kl. 15:06]

Ég get ekki annað en verið nokkuð sammála Einari, að menn verði að fara afar varlega í innflutningi búvara.

Menn mega ekki gleyma þeim sjúkdómum, sem komu með einmitt slíkum innflutningi he´r áður og fyrrmeir.

Ég væri miklu miklu sælli, væri Verðtryggingin einfaldlega bönnuð.  Allt hjal um, að vextir séu samningsatriði milli lánveitenda og takenda er bara það bull og hjal.

Innflutningur vara, sem er algerlega sjúkdómsfrítt er allt annað og óskylt mál en það ku vera leitun að slíku.  Ný Sjálendingar eru með afar harða löggjöf um innflutning og það er ekki til verð-verndar, heldur smitgátar.

Muna menn ekkert eftir Mæðuveikinni?

Miðbæjaríhaldið

[Vilhjálmur Andri Kjartansson (IP-tala skráð) 31.5.2007 kl. 11:25]

Merkilegt þessi aðferð að benda á annað, "hvað eru menn að væla undan landbúnaði, sjáið þið ekki vextina, nei nei nei ekki líta á mig snúðu þér við og sjáðu vitleysuna hinum meginn við ána."