Yndisleg Ást

Lokakvöldinu okkar á landinu eyddum við á frumsýningu söngleiksins Ást og hvílík snilld. Ég hef ekki verið eins upprifinn af leiksýningu, bíó eða nokkru viðlíka í langan tíma. Þetta stykki er ofboðslega skemmtilegt, salurinn hló, grét og söng. Þetta er ekki djúpt leikrit en það er bara svo skemmtilegt. Leikararnir eru auðvitað klassík Magnús Ólafsson, Kristbjörg og Hanna María Karsldóttir voru öll frábær. Theódór Júlíusson var stórskemmtilegur og Ómar var frábær allt þar til undir lokin. Tónlistin er dægurlög frá öllum tímum íslensk og erlend, allt frá Stones, til Megasar, frá Bubba til Verve til þess að að heyra Skapta Ólafsson syngja Allt á floti allstaðar.

Fyrir mér var hápuntkurinn þegar Theódór söng Verve lagið The Drugs Don't Work, lag sem ég hlustaði á ca. 600 sinnum sumarið og haustið 1997. 70% gesta var að heyra lagið í fyrsta skipti þannig að ég held að aðrir eigi sér sitt móment. Við skemmtum okkur konunglega, þetta er sætt, sorlegt og skemmtileg leikverk og ég hef satt að segja ekki eytt 2 tímum betur um langa hríð.

á morgun sunnudag hefst svo ferðalagið... 

 

Athugasemdir

[Skapti Örn Ólafsson (IP-tala skráð) 13.3.2007 kl. 11:33]

Heill og sæll vinur. Leikritið er alger snilld. Ég átti ekki von á neinu sérstöku, en annað átti heldur betur eftir að koma á daginn. Nafni minn og afi stóð sig vel ásamt snilldarleikurunum Pétri, Kristbjörgu, Theódór og öllum hinum. Sammála þér með Ómar  En góða ferð minn kæri og gangi ykkur vel á ferðalagi og áfangastað. Með góðum kveðjum, Skapti Örn.