Yndisleg Ást

Lokakvöldinu okkar á landinu eyddum við á frumsýningu söngleiksins Ást og hvílík snilld. Ég hef ekki verið eins upprifinn af leiksýningu, bíó eða nokkru viðlíka í langan tíma. Þetta stykki er ofboðslega skemmtilegt, salurinn hló, grét og söng. Þetta er ekki djúpt leikrit en það er bara svo skemmtilegt. Leikararnir eru auðvitað klassík Magnús Ólafsson, Kristbjörg og Hanna María Karsldóttir voru öll frábær. Theódór Júlíusson var stórskemmtilegur og Ómar var frábær allt þar til undir lokin. Tónlistin er dægurlög frá öllum tímum íslensk og erlend, allt frá Stones, til Megasar, frá Bubba til Verve til þess að að heyra Skapta Ólafsson syngja Allt á floti allstaðar.

Fyrir mér var hápuntkurinn þegar Theódór söng Verve lagið The Drugs Don't Work, lag sem ég hlustaði á ca. 600 sinnum sumarið og haustið 1997. 70% gesta var að heyra lagið í fyrsta skipti þannig að ég held að aðrir eigi sér sitt móment. Við skemmtum okkur konunglega, þetta er sætt, sorlegt og skemmtileg leikverk og ég hef satt að segja ekki eytt 2 tímum betur um langa hríð.

á morgun sunnudag hefst svo ferðalagið... 

 

Heyrst hefur...

nöldurhorn Blaðsins hefur átt nokkra "góða" spretti undanfarið. Fyrr í vikunni var því haldið fram að Skallagrímur þyrti að reka Sóley Tómasdóttur úr VG vegna frammistöðu hennar í Silfrinu sl.sunnudag eða gefast upp á feminisimanum.

í morgun trúir dálkurinn því að það veki eftirtekt að ekki er boðið upp á neitt asískt tungumál á vefsvæðinu www.island.is því hér á landi munu búa um 1300 manns frá Taílandi og Filippseyjum.   Af hverju það eigi að vekja eftirtekt að er ekki auðskilið því eins og allir vita þá enska er annað opinberra tungumála Filppseyja. Þar fyrir utan þá er nett kynþáttahyggja í þessu nöldri Blaðisins. Það spyr af hverju er ekki boðið upp á asískt tungumál fyrir asíubúana og nefnir svo tvö lönd hvers tungumál eru all óskyld. Þetta er eins og einhver myndi segja af hverju er ekki boðið upp á evrópskt mál fyrir evrópubúana, það eru svo margir Íslendingar og Ungverjar á svæðinu!

 

Borgaralandið kallar

Meginþorri búslóðarinnar er kominn á hafnarbakkann, það sem fylgir út. Merkilegt að sjá flest allar veraldlegar eigur á 3 brettum vafðar í plast. Borgaralandið kallar á sunnudag.

Sly á hug minn núna á meðan beðið er eftir brottför.

You see it's in the blood
Both kids are good to Mom
'Blood's thicker than mud'
It's a family affair, it's a family affair

Annars er gott að sjá að Vaka ætlar að ná vopnum sínum. 

Er að flytja

Raunheimaflutningar standa yfir þessa dagana og því verður líklega lítið blogað. Sjáum hvort blogbakterían taki ekki við sér þegar veraldlegar eignir eru komnar á hafnarbakkann.

Hasta pronto 

Til hamingju Ísland!

Þú ert skrefi nær frelsinu.

1. mars er góður dagur. 1989 fengum við bjórinn, 2007 urðu skattar á mat og nokkrar aðrar vörur eðlilegir. Við ættum að gera daginn að frídegi og kalla hann frelsisdaginn. Stjórnmálamenn yrðu skuldbundnir til að færa almenningi nýtt frelsi árlega.

Nú þarf að láta kné fylgja kviði og halda áfram með skattalækkanir, láta vínið fylgja og taka því bara að ríkissjóður verði af tekjum. Einu sinni var hægt að hækka áfengisskatta, fara gegnum 3 umræður í þingi og birta lagabreytinguna  stjórnartíðindum allt á 5 klukkustundum.  Það hlýtur að vera hægt að lækka virðisauka á áfengi á skemmri tíma. Ég mana þig Árni!

Dagurinn í dag er merkilegur því núna erum við skattgreiðendur að fá eitthvað tilbaka. Þessi ríkisstjórn sem nú situr er ein merkilegasta sem setið hefur því hún er sú eina sem lækkað hefur álögur á almenning. Þótt varaformaður Samflykingarinnar segi eitt og annað af viti endrum og eins þá er Samfylkingunni sem flokki ekki treystandi því formaðurinn er bara gamaldags kommi sem finnst samkeppni almennt til ama.